ભારત જ નહીં આ દેશમાં પણ છે અમરનાથ જેવું શિવલિંગ, ભયાનક રસ્તાઓથી પસાર થઈને લોકો કરે છે દર્શન…

Spread the love

ભારતમાં ઘણા શિવ મંદિરો અને શિવ ધામ છે. તેમાંથી 12 જ્યોતિર્લિંગનું સૌથી વધુ મહત્વ છે. ધાર્મિક માન્યતાઓ અનુસાર ભગવાન શિવ પોતે જ આ 12 જ્યોતિર્લિંગોમાં જ્યોતિર્લિંગ સ્વરૂપે બિરાજમાન છે. આ સાથે, અમરનાથ તીર્થસ્થળ આપણા દેશમાં પણ ખૂબ લોકપ્રિય છે, જ્યાં બરફ કુદરતી શિવલિંગ બનાવે છે. પરંતુ શું તમે જાણો છો કે અમરનાથના શિવલિંગની જેમ જ બીજું શિવલિંગ પણ છે, જેની મુલાકાતે વિશ્વભરના લોકો આવે છે.

હકીકતે, ઑસ્ટ્રિયાના સલ્ઝબર્ગ શહેરની નજીક વરફેનમાં 40 કિલોમીટર લાંબી બરફ ગુફા છે, જેમાં કુદરતી શિવલિંગ જેવી આકૃતિ બનેલી છે. વિશેષ વાત એ છે કે અહીં સ્થિત શિવલિંગનો આકાર અમરનાથ ગુફામાં આવેલા શિવલિંગના આકાર કરતા ઘણો મોટો છે. આ શિવલિંગ વર્ફેનની ગુફામાં સ્થિત છે.

આ ગુફામાં લગભગ એક કિલોમીટર સીડી બનાવવામાં આવી છે, જેથી સરળતાથી આ ‘શિવલિંગ’ ની નજીક પહોંચી શકાય. આ ‘શિવલિંગ’ ની ઊંચાઈ લગભગ 75 ફૂટ છે. લોકોને ગુફાની અંદર જવા માટે જોખમી માર્ગોમાંથી પસાર થવું પડે છે. અહીં શિવલિંગના દર્શનનો ક્રમ મે મહિનામાં શરૂ થાય છે અને તે ઑક્ટોબર સુધી ચાલુ રહે છે.

વર્ફેનની ગુફા વિશ્વની સૌથી લાંબી બરફ ગુફા છે. તે 1879 ની સાલમાં મળી આવી હતી. અહીં તમને ઘણા આકારો મળશે જે શિવલિંગ જેવા લાગે છે.

આ બરફ ગુફા મે થી ઓક્ટોબર સુધી ખુલ્લી રહે છે. અહીં તમને ઉનાળાનાં મહિનાઓમાં પણ ઠંડીનો અનુભવ થશે. આ ગુફામાં આવીને તમને લાગશે કે જાણે તમે કોઈ બીજી દુનિયામાં આવી ગયા છો.

Leave a Reply

Your email address will not be published. Required fields are marked *